Wellington City Libraries

Te Matapihi Ki Te Ao Nui

Home > Māori > Te Whanganui-a-Tara Index > karena te whiwhia

whanganui-a-tara icon

Kārena Te Whiwhia

I mate i te tau 1876

whanganui-a-tara icon

Nō Ngati Hamua o Te Ati Awa a Kārena Te Whiwhia, i mōhiotia ai hoki ia ko Kariana Te Wiawia. He mokopuna ia nā Tiwha rāua ko Hinekino, arā nā tā rāua tamaiti Te Whiwhia rāua ko Tamaorere (ko Tamaarero ki ētahi). Ka moe a Karena i a Hana Nipo (Hana Kārena) ka mate nei i te 9 o Oketopa 1904.

Tokowhā ā rāua tamariki i ora kia pakeke noa,ko Miriama Karena, arā, a Miriama Rapira, ko Ripeka Karena, ko Mohi Kārena te tama kotahi, ā, ko Pirihira Kārena. Ko Epiha anō tētahi i mate i te tau 1883. Ko Hana Nipo hoki te māmā o Riria Tinirongoa Te Ao Mangi i tana tāne tuatahi i a William Holder. Nō muri mai ka moe a Riria i a Wī Te Kahui Kararehe (1846-1906) hei wahine anō māna.

Ka moe a Miriama i a Rāpira Te Keha. Ka moe tana teina, tuakana rānei, a Ripeka i a Sam Hing ka puta tā rāua tama ko Hamuera Te Punga, me tā rāua kōtiro ko Metiria Kārena. Ka mārena a Ripeka rāua ko Sam ki te whare karakia o St Peter's Anglican Church i Pōneke. Nō muri, ka hūnuku a Ripeka ki te Wairarapa. Ka moe ia i a Nunn hei tāne anō māna ka puta ā rāua tamariki tokoiwa.

Kāore he tamariki a Mohi Karena te tamaiti a Karena.

Ka moe a Pirihira Karena, ko Haripo tētahi atu ingoa ōna, i a Haumia Hohua. I te pānga whenua nama 19 ki Waiwhetu ia e noho ana, ka riro nei ngā whenua i raro i te ture Public Works Act 1943.

Ka whānau mai te matua kēkē o Karena Te Whiwhia, a Horopapera Waitapu ki Waiwhetū ka noho iho ki reira. He kaumātua a Te Whiwhia nō Waiwhetu. Ka hainatia ki Waiwhetu i te tau 1844 e te whanaunga o Karena e Tini Waitapu ngā rīhi.

Ka mate nei a Karena ki Waiwhetū i te tau 1876.

Ngā Tuhinga Kōrero:
WMB 1 p.174-175, 186, 212-213, 266-267 WMB 4 p.10
WMB 13 p.95, 253-254, 287-289, 290-292, 293 WMB 16 p.284-285
Taranaki MB 3 p.345
Taranaki MB 17 p.166-172, 200-204
Alexander Turnbull Library MS-Papers-4109

Korero o te Wa I Raraunga I Rauemi I Te Whanganui a Tara I Whakapapa