Sēvesi ma'ae Longa'i Fānau mo e To'utupu
Ngaahi Me‘a mo e Polokalama ma‘ae Fānau´ | Ngaahi me‘a te ke ala ma‘u atu mei´ he laipeli´ | Katiloka 'a e fānau | Fatongia 'o e Mātu'a tauhi fānau | To'utupu | Naunau tokoni ki he ako
'Oku 'ikai totongi ho'o kau ki he laipeli. 'Oku 'i ai 'a e kaati makehe ma'ae fānau mo e to'utupu. 'Oku fiema'u 'a e matu'a tauhi fānau ke nau fakamo'oni ki he ngaahi foomu' ni, pea ko honau fatongia ke fakapapau'i 'oku fakafoki mai 'i he taimi totonu 'a e ngaahi tohi mo e naunau 'oku 'ave mei he laipeli, pea mo fakapapau'i foki 'oku 'ikai maumau 'a e ngaahi tohi' ni.
Ngaahi Me‘a mo e Polokalama ma‘ae Fānau´
‘Oku ‘i ai ha ngaahi talanoa ‘oku fai ‘i he uike kotoa ‘i he ngaahi laipeli kotoa ma‘a e longa‘i fānau ‘oku te‘eki ako´ pehē ki he ngaahi polokalama ma‘ae fānau ta‘u ako´ ‘i he taimi tutuku ‘a e ako´. ‘Oku toe ‘i ai mo ha ngaahi polokalama kehe ma‘a e fānau´, ‘o kau ki ai mo e ngaahi kalasi ma‘a e fanga fa‘ē´ mo ‘enau fānau kei valevale´, mo e ngaahi kalapu lautohi ma‘a e fānau ‘i he ngaahi ta‘u kehekehe. Vakai ki ho‘o mou laipeli fakafeitu‘u´ ki ha ngaahi me‘a ‘oku teu ke fakahoko´, pe vakai ki he peesi ‘initaneti ko e What‘s on.
Ngaahi me‘a te ke ala ma‘u atu mei´ he laipeli´
Ko e ngaahi me‘a kotoa pe ‘i he laipeli´, tukukehe ‘a e ngaahi DVD, ‘i he tafa‘aki ma‘a e fānau´ mo e to‘utupu talavou´, ‘oku ta‘etotongi ki he fānau mo e to‘utupu´ ‘i he‘enau ngāue‘aki ‘enau kaati. ‘Oku lava ke ‘ave fakataimi ki he lahi taha te ke ala fiema‘u´.
Kapau ‘oku ‘ikai te ke fakafoki mai ‘a e ngaahi me‘a ‘i hono taimi totonu´, kuo pau ke ke totongi ha pa‘anga. Fakafoki ki laipeli na‘a´ ke ma‘u atu mei ai´ he te ke ala totongi ‘a e $1 ki he me‘a taki taha.
| 'Ave uike taha | Totongi fakafoki tōmui |
|---|---|
| DVD | Sēniti 50 ki he 'aho |
| Vitiō | Sēniti 50 ki he 'aho |
| Makasini | Sēniti 30 ki he 'aho |
| CD | Sēniti 30 ki he 'aho |
| 'Ave uike fā | Totongi fakafoki tōmui |
|---|---|
| Ngaahi tohi | Sēniti 30 ki he 'aho |
| Tepi | Sēniti 30 ki he 'aho |
| Tohi mo e tepi pe CD | Sēniti 30 ki he 'aho |
Tohi
'Oku 'i ai 'a 'emau ngaahi tohi ma'ae pēpē, longa'i fānau iiki, fānau ako mo e to'utupu. 'Oku mau ma'u 'a e ngaahi tohi fakamatala 'e tokoni ki he fānau mo 'e to'utupu ki he'enau homueka mo 'enau ako ki he sivi'.
'Oku mau ma'u 'a e ngaahi tohi ma'ae fānau 'i he lea faka-Tonga. 'Eke ki he tokotaha ngāue laipeli ke ne fakahā atu 'a e feitu'u 'oku tauhi ai eni, pe ko ho'o vakai'i 'a e katiloka heni.
Katiloka 'a e fānau (Kid's Catalogue)
Ko e katiloka ni 'oku fatu ia ke tokoni ki he fānau ke nau ma'u 'a e me'a 'oku nau kumi ki ai 'i he laipeli. 'Oku lava ke nau faka'aonga'i 'a e ngaahi komipiuta 'i he laipeli pe ko e 'initaneti. 'Oku ma'u foki 'i he katiloka 'a e fānau 'a e ngaahi fakamatala fekau'aki mo e ngaahi me'a 'oku hoko 'i he laipeli, pea fehokotaki ki he uepisaiti 'oku taau ma'ae fanau. Kamata ho'o fekumi.
Fatongia 'o e Mātu'a tauhi fānau
Ko e fatongia 'o e matu'a tauhi fānau ke 'ilo 'a e me'a 'oku sio ki ai 'a e fanau 'i he laipeli pea mo e me'a 'oku nau faka'aonga'i 'enau kaati laipeli ke 'ave ki 'api.
'Oku 'ikai ko e fatongia 'o e laipeli ke tokanga'i 'a e fanau 'oku tuku 'i he laipeli ta'e'iai ha taha ke ne tokanga'i. 'E lava pe ke fakafetu'utaki ki he potungāue 'oku nau tokanga'i 'a e fānau 'okapau 'e 'ikai ke ma'u 'a e mātu'a tauhi fānau. 'Oku lava ke ma'u 'a 'emau fakahinohino ki he me'a 'oku ma'u ma'a e fānau i he laipeli.
'Oku lava 'a e fānau mo e to'utupu 'o sio mo 'ave ha me'a pe mei he laipeli 'o kau ai mo e ngaahi tohi 'i he tafa'aki ma'ae kakai lalahi, tukukehe 'a e ngaahi vitiō, DVD mo e ngaahi CD 'oku ma'u 'a hono lesisita senisoa ('o hangē ko e R16).
To'utupu
Ko e to'utupu 'a kinautolu 'oku ta'u 13 ki he 18. Kuopau ke fakamo'oni 'a e mātu'a tauhi fānau ki he ngaahi foomu 'a kinautolu 'oku kei si'i hifo he ta'u 16 pea ko honau fatongia ke fakapapau'i ko e ngaahi tohi mo e naunau 'oku nau 'ave mei he laipeli 'oku fakafoki mai 'i he taimi na'e tukupā ki ai.
'Oku 'i ai 'a e konga 'o 'emau uepisaiti ma'ae to'utupu 'oku ui ko e Teens.
Naunau tokoni ki he ako
'Oku ma'u 'e he laipeli 'a e ngaahi me'a lahi ke tokoni atu ki he ako. 'Oku kau heni 'a e ngaahi tohi fakahinohino ki he ngaahi lēsoni NCEA, pea mo e ngaahi uepisaiti S*Lab mo e Any Questions (pe ko e ngaahi fehu'i).
Kataki 'o 'eke ki kau ngāue laipeli 'o kapau 'oku ke fiema'u ha tokoni. Ko 'emau ngāue ke tokoni'i koe.
