Wellington City Libraries

Te Matapihi Ki Te Ao Nui

Āwhina Whakarārangitanga Classic

Hei tīmatanga Classic

Kei te Whakarārangitanga Classic ka taea te rapu i te kohikohinga katoa (pukapuka, mōheni, CD, DVD, pukapuka kōrero, ētahi atu rauemi kei te kohikohinga). Ka taea hoki te tiro ki ō kōrero whare pukapuka, pēnei i ngā tukunga, ngā rāhuitanga, me ngā utu takaroa. Ka taea te Whakarārangitanga te whakamahi ki te whare pukapuka, ki te kāinga rānei mā te ipurangi ki www.wcl.govt.nz. Kei raro iho nei he tohutohu hei tīmatanga mō te Whakarārangitanga Classic, tae atu ki ngā tohutohu mō te hunga matatau ki te rapu.

He pātai anō? Kōrero mai mēnā he take - toro mai mā imēra.

 

Rārangi Kōrero

Ngā Reo

E wha ngā reo o te Whakarārangitanga Classic:

Pēhea te Rapu

Ko te rapu ngāwari rawa ko te tuhi atu i te ingoa kaituhi, te taitara rānei, he kupu kaupapa rānei ka pato ai i te pātene 'Rapu'. Kāore e here ana te Whakarārangitanga ki te momo pū reta - e pai ana te pū reta nui te pū reta iti rānei.

Ka rapu ana kore kē i tohu momo rapunga, ka whakarāpopotohia māu kei hea ō kupu rapu puta noa i te Whakarārangitanga, inā koa:

Search results summary

Kātahi ka tohu noa atu koe i te whakataunga hāngai ki tō pirangi, inā ia pea ko ngā rauemi katoa e hāngai ana te kaituhi ki tāu i rapu ai, koia rānei ko ngā rauemi katoa e hāngai ana ki tō rapunga.

Ka rapu anō koe mā te pato i te Rapunga Hou ki runga ake ki te koko matau.

Koia rānei ka tīmata mai tō rapunga ki te tūmomo rapu e tohua atu ai ki te rārangi taka ki te mata rapunga

Select a search type

Mā te whiriwhiri tōtika i te tūmomo rapunga, ka whiti hāngai tonu koe ki ō whakataunga rapunga - ahakoa he rārangi taitara, kaituhi, kaupapa, rārangitanga rauemi rānei.

Te whiriwhiri rapunga - ko tēhea?

Rapunga kuputumu:

Whakamātauhia he Kuputumu hei rapu tuatahi, hei a koe rānei ētahi ake kupu rapu e kore ai e maha rawa ngā 'whakahokinga' mai.

Mehemea ka rapu ā-Kuputumu, engari kāore tonu i tutuki, rapu kēhia mā te kaupapa, ka rapu rānei i tētahi rauemi mōhio pai koe kei reira ka whakamahia ngā ūpoko kaupapa kei tō tēnā rekoata.

Rapunga taitara:

Mēnā mōhio koe ki te taitara:

Whakamahia te Tiro taitara ina mōhio koe ki te tīmatanga o te taitara koia rānei ki te rapu taitara ōrite inā koa 'harry potter and the'.

Whakamahia te Kuputumu taitara ina kāore i te mōhiotia ngā kupu katoa o te taitara, koia rānei ko te tātai tika i aua kupu rā inā koa 'parachute color' hei rapu i te taitara nei 'What color is my parachute?'.

Rapunga kaituhi:

Ina mōhio koe ki te kaituhi:

Whakamahia te Tiro kaituhi ingoa rānei hei tiro rārangi ingoa inā mōhio koe ki te ingoa whānau. Tuhia mai te ingoa whānau ka tuhi i te tohu piko ka tuhi ai i te ingoa tuatahi he reta tīmatanga rānei inā koa 'smith, w'.

Whakamahia te Kuputumu kaituhi ingoa rānei hei whakarārangi mai i ngā taitara katoa a tētahi tangata ake ka mutu he ingoa motuhake tōna inā koa 'douglas coupland'.

Rapunga kaupapa:

Ina mōhio koe ki te kaupapa:

Whakamahia te Kuputumu kaupapa mehemea kāore i te mōhiotia te tātai o te ūpoko kaupapa.

Whakamahia te Tiro kaupapa ina mōhio koe ki te tīmatanga o te ūpoko kaupapa hei tiro haere rānei i te rārangi ūpoko ka whiriwhiri i te mea tika inā koa 'world war'.

Rapunga rārangitanga rauemi inā koa Lonely Planet:

Hei rapu i ngā pukapuka katoa o tētahi rārangitanga rauemi:

Whakamātauhia te Tiro rārangitanga rauemi hei rapu rauemi i tāngia ki te rārangitanga rauemi inā koa Criterion collection DVDs me ngā pukapuka Lonely Planet.

Tiro haere ā nama karanga:

Tiro nama karanga — rapua anō nei ko te kohikohinga tonu e putu ana. Ina rapu pukapuka pai koe, tirohia he aha atu ngā rauemi kei taua kaupapa mā te tuhi atu i te nama karanga kei te tuarā tae noa ki te ira kati.

Te rapu mā te ISBN koia rānei mā te ISSN:

ISBN/ISSN — ko te ISBN (International Standard Book Number) & ko te ISSN (International Standard Serial Number -- mō te mōheni me te hautaka) ka tāngia ki te pukapuka ki te mōheni rānei hei te tānga; whakamahia tēnei hei rapu i tētahi ake whakaputanga rauemi.

Whakawhāititanga

Kei raro iho i te pouaka rapu o te mata rapu matua ngā whakawhāititanga hei whakawhāiti i tō rapunga mā te Pakeketanga, te Hōputunga, te Rangi, te Pekanga, te Putunga rānei.

limiting options screenshot

E tika ai ngā Whakawhāititanga mā te rapu Kuputumu, Kuputumu Taitara, Kuputumu Kaupapa, Kuputumu Kaituhi anake rānei.

Patoa mai te pere kei te taha o tētahi o ēnei whiringa hei tiro i te whakamārama nui:

Whakawhāititanga whānui:

general limiting options

Ko ēnei ngā mea kei raro i te pere tuatahi - 'Whakawhāititanga'. Hei konei whakawhāitihia ai tō rapu mā te pakeketanga mā te hōputunga rānei:

  • Pakeketanga

    Tohua mai ko te tamariki, te kōhungahunga, te taiohi rānei hei rapu ake i ngā rauemi kei aua kohikohinga anake.

  • Hōputunga

    Ka taea te tohu Mōheni, Tānga nui, CD Waiata, Pukapuka ā-Kōpae, iPukapuka, tuhinga waiata, Tīwītī, arā atu hoki hei whakawhāiti mai i tō rapunga ki tētahi hōputunga anake kei te kohikohinga.

Whakawhāitihia mā te rangi:

Whakakīa mai tētahi o ēnei pouaka hei whakawhāiti i tō rapunga.

limit by date

Whakawhāitihia mā te pekanga

Hei konei ka whakawhāitihia mai tō rapunga mā te pekanga whare pukapuka kotahi inā koa Te Whare Pukapuka o Karori, koia rānei mā ngā mea anake kei te putunga (arā kāore i te tukuna atu).

options to limit by branch

Mata Rapu Mātau

Ka taea te Mata Rapu Mātau te toro atu mā te aratakinga kōwhai kei te taha mauī:

Accessing Advanced Search

Kei te Mata Rapu Mātau e taea ai te tūhono rapunga kaituhi ki te kuputumu ka mutu he rite tonu ngā whakawhāititanga (hōputunga, pakeketanga, pekanga, putunga rānei) ki ō te mata rapu matua:

Advanced Search Screen screenshot

Whakataunga rapunga

Ka whakaatunga ō whakataunga rapunga hei rārangi taitara hāngai ki tō rapunga. Pato haerehia hei titiro putunga, wāhi putunga rānei me ētahi atu whakamārama mō tētahi rauemi.

Hei tēnei whārangi hoki ka taea te titiro ki te whiringa Ō rārangi ake (kei te wā mahi anake tēnei - ina wehe atu koe i tā mātou ipurangi nei ka ngaro te rārangi nei - nā reira e mau tonu ai me toro atu ki tā mātou ratonga MyDiscoveries kei tā mātou whakarārangitanga Rapu ngāwari), te tiro rānei ki tō rārangi rapunga ka tohu ai i ngā rekoata hei tā hei imēra rānei. He pēnei te āhua o tētahi whārangi whakataunga rapunga:

Search results page example

Mehemea he rauemi kei tō rapunga ehara kē i te pukapuka, ka kite tohutohu iti koe kei te taha matau o te mata e whakaatu ana i te hōputunga o te rauemi. Inā koa:

DVD format in results screen

Whakarerekēhia te tātai i ō whakataunga rapunga

Ko te tātai aunoa o te Rārangi Taitara he kōaro i te tātai wā - ko ngā rauemi hou kē ā-tau nei tuatahi. Mehemea iti ake i te 1000 ngā whakataunga, ka taea aua whakataunga rapunga te whakarārangi mai ā-kaituhi, ā-taitara rānei.

Tāngia ngā rekoata i tohua

Hei tā kōrero mō ētahi rauemi i mua i tō taenga mai ki te whare pukapuka, tohua atu te pouaka kei te taha o ia rauemi ka pato ai i te Tānga rekoata tohua. (Arā atu ngā whiringa mō te momo whakaatu tānga - he pai ake ka waiho noa pea ki te whakaritenga aunoa.)

Ka taea hoki tēnei te whakarite mā roto mai i te wāhanga ō rārangi- kei reira hoki ētahi atu whiringa, pēnei me te imēra rekoata.

Pēhea te whakamahi i te whārangi Whakamārama Nui

Hei tiro i ngā whakamārama katoa kei a mātou mō tētahi taitara (tae atu ki te putunga me te wāhi), patoa mai te taitara tūhono kei te mata whakaatu whakataunga rapunga. Kātahi ka whakaaturia mai te whārangi Whakamārama Nui mō taua taitara - he pēnei kē hoki:

Full Details page

Kei tēnei whārangi ka taea te Tono rāhui, whakamahi atu i ngā Whiringa mō Ō Rārangi,Whakahoki tirohanga rapunga, Imēra me te Tā rekoata.

Whakamārama rauemi katoa

Ko waengani tēnei o te mata whakaatu:

  • Taitara
  • Kaituhi (patoa mai te ingoa hei whakaatu i ā rātou mahi katoa)
  • Kaitānga (kia tika te whakaputanga)
  • Te whārangitanga me te rahi (ko ngā rauemi nui atu i te 28 henemita kei te putu kē pea ki te wāhanga Pukapuka Nui)
  • Kaupapa (patoa mai he ūpoko kaupapa hei titiro i ētahi atu rauemi mō tēnei kaupapa)

Te Wāhi me te Putunga - kei hea rā?

Ko tēnei wāhanga kei raro rawa. Kei konei ko te:

  • Rangi
    • Mehemea kua tukuna atu te rauemi, me whakahoki mai hei tēnei rangi
    • Mehemea kei te putunga te rauemi, he mea whakahoki mai i tēnei rangi
  • Pekanga — patoa mai te pekanga te wāhi tiki mai rānei mō ngā tohutohu, ka toro rānei ki tā mātou whārangi Pekanga Mō ngā rauemi kei te Whare Pukapuka Matua, ka whakaatuna hoki ki konei ko te papa kei reira nei te rauemi - inā koa GRDFL = Ground Floor; 1STFL = First Floor arā atu hoki.
  • Nama Karanga — mā te nama dewey mā te ingoa rānei o te kohikohinga e āwhina ki te rapu i te rauemi
  • Tūranga:
    • E putu ana - kei te whare pukapuka te rauemi (kāore anō pea kia putua)
    • Kua tukuna - kua tukuna te rauemi ki tētahi mema whare pukapuka
    • Kāore hei tuku atu - hei whakamahi te rauemi ki roto anake i te whare pukapuka
    • Kei te mahia - he hou te rauemi kāore anō kia putua; pātai atu ki te tēpu Pātai
    • Kua rāhuitia hei tiki mai - kua rāhuitia te rauemi mā tētahi atu kaitango pukapuka
    • Kei te Whiti mō te tono rāhui - kua tukuna atu te rauemi ki tētahi atu whare pukapuka i tono rāhui mai
    • Kei te Whiti mai i tētahi pekanga - kua whakahokia te rauemi, tērā pea ki tētahi atu whare pukapuka; uia atu ki te tēpu Pātai
    • Kua tonoa — kua tonoa te rauemi e te whare pukapuka hei hoko mai. Ka taea te tono rāhui engari kāore anō kia putua hei tukunga

Hei titiro rekoata kē anō, e hoki ki te Rārangi Taitara, ka pato rānei i te kupu Tōmuri rānei Tōmua rānei kei runga kei raro hoki o te whārangi, ka whakakīa mai rānei te pouaka rapu kei raro o te whārangi.

Pēhea te rapu rauemi kei te putunga

He mapi o te Whare Pukapuka Matua kei konei.

  • Pakiwaitara he mea tātai ki te putunga mā te ingoa whānau o te kaituhi. He wāhanga anō mō ngā kohikohinga Kōrero Muna, Pakiwaitara pūtaiao & wawata, me ngā Pakiwaitara poto. Kei te Whare Pukapuka Matua hoki he kohikohinga pukapuka Waituhi.
  • Pūrākau he mea putu ā- nama Dewey. Kei te Whare Pukapuka Matua, ko ngā pūrākau pakeke 000-899 kei te Papa tuatahi, ā, ko 900-999 kei te Papa tuarua.
  • Koioranga he mea tātai ā reta nei ki te ingoa whānau o te tangata mōna te pukapuka. Tirohia te whakarārangitanga mehemea he nama Dewey tō te koioranga e rapu ana koe.
  • Mehemea he 28 henemita neke atu rānei te rauemi, me rapu pea ki ngā pae Pukapuka nui kei te whare pukapuka Matua. Kei ētahi atu whare pukapuka e putu ngātahitia ana ngā rauemi rahi me ngā rauemi māori noa te rahi.
  • He motuhake ngā kohikohinga Whakapuakanga kei ia whare pukapuka. Kei ngā rekoata Whakarārangitanga he kupu 'Ref' kei te tīmatanga Nama karanga, ā, ko ngā kupu 'Not for loan' kei te Tūranga. Arā anō he kōrero mō ngā kohikohinga o te Whare Pukapuka Matua kei konei.

Engari kāore kē i reira!

  • Tirohia te rangi ka whakahokia mai te rauemi (kei raro i te 'Rangi' kei te rekoata rauemi). Ko ngā rauemi i whakahokia mai i ngā rangi tata tērā pea kei ngā pae Whakahokinga Tēnei Rā kei ngā torore whakatepae rānei.
  • Tirohia te rahi mehemea he rahi ake i te 28 henemita, ka titiro mēnā e putu motuhaketia ana ngā Pukapuka Nui ki tō pekanga.
  • Tirohia ngā pae whakaaturanga.
  • Pātaia ngā kaimahi mō te āwhina, tērā pea he āwhina!

Te tono rāhui rauemi

Patoa mai te pātene Tono rāhui kei te taha māui o te whārangi Rekoata Katoa. Ka meahia koe mō ō kōrero Kaitango, kātahi ka whitikia koe ki te whārangi Pekanga Tiki Mai. Tohua mai te pekanga, whakamahia te whiringa 'rāhui hararei' hei tohu i te rangi tīmata ai te rāhui, ka pato ai i te Tono rāhui. Kia reri mai te rauemi hei tiki mai ka whakamōhiotia atu koe mā tō pirangi ā-waea, imēra rānei, poutāpeta rānei.

Patoa mai mō te akomanga tono rāhui (me ngā pikitia mata whakaatu)

Kia mahara e $2 te utu mō ia rāhui a te kaitango pakeke. Inā tohu mai koe ko te 'Karere' hei pekanga tiki mai, he utu tāpiri hoki.

Whakatikanga raru

Mehemea kāore i tutuki tō tono rāhui:

  • Tirohia i tika rānei te nama kāri te ingoa whānau rānei i tuhia e koe. Toro mai mehemea kāore i te mārama ki ngā kōrero mōu.
  • He wā tōna ka hapa iti nei te whakarārangitanga; whakamātauhia mai anō tō tono rāhui.
  • Whakakīa mai te puka tono rāhuiā, mā mātou tonu e tono rāhui māu.

Whakahoki tirohanga ki ō rapunga o mua

Hei whakahoki rapunga o mua, patoa mai te rerenga 'Whakahoki tirohanga rārangi rapunga' kei te taha mauī o te mata whakaatu. Tohua mai te rapunga hei whakahokinga ka pato ai i te tūhononga.

Ō rārangi ake

Whakamahia 'Ō rārangi ake' hei tono rāhui i ētahi rauemi katoa, hei tohu rānei i ngā rekoata hei hokinga atu anō.

He mea hira:

Kāore e tūturu ngā rārangi kei waho i te wā whakamahi whakarārangitanga, arā te wā whaimuri e whakamahi mai koe i te whakarārangitanga, ina rānei ka waiho tārewa noa kē tō wā whakamahi ka tīmata mai he wā whakarārangitanga hou, e kore e puritia ngā rārangi pēnei.

Nā tēnei, mēnā pirangi rārangi koe e kore e ngaro, he pai ake te ratonga MyDiscoveries kei te whakarārangitanga Rapu ngāwari.

Engari he pai rawa tēnei hei mahi rārangi noa e imēra ai ki a koe anō hei tānga rānei.

Hei whakamahi i tēnei:

Ina kei te rekoata rauemi, patoa mai te rerenga 'Tāpirihia tēnei rekoata ki te rārangi' kei te paetaha kōwhai.

Ina kei te whārangi Rārangi taitara, tohua mai he rauemi mā te tohu atu i ngā pouaka ka pato ai i te rerenga 'Tāpirihia mai ngā rekoata tākina o tēnei whārangi ki te rārangi' kei te paetaha kōwhai ki te taha.

Patoa mai te rerenga 'Tirohia tō rārangi ake' kei te paetaha kōwhai hei titiro i ō whiriwhiringa. Ka taea te tono rāhui i tētahi i ētahi rauemi katoa rānei ahakoa te wā.

Tiohia ngā kōrero mōu

Ka taea te toro atu ngā kōrero mō ō tukunga, rauemi takaroa, rāhuitanga, me ngā nama moni. Patoa mai rānei te rerenga 'tirohia taku kaute' kei te mata whakaatu whakarārangitanga, koia rānei ko te 'Tirohia tō kāri whare pukapuka' kei raro iho o ia mata whakarārangitanga. Ka tuhia mai tō nama kāri whare pukapuka (inā koa C1234567) me tō ingoa whānau. Patoa mai te 'tuku tono'.

  • Ngā tukunga: ko ngā mea i tukuna ki a koe me te wā hei whakahoki mai.
  • Rauemi takaroa: ko ō rauemi e takaroa ana te whakahoki mai.
  • Ngā rāhuitanga: ngā mea i tono rāhui koe. Ko te tikanga o te 'Tono tārewa' kāore anō kia reri tō rauemi; ko te 'Reri hei tiki mai' kua reri hei tiki mai. Ka taea te tono rāhui te whakakore mā te tohu i te taitara ka pato ai i te rerenga 'Whakakorengia tēnei tono rāhui'.
  • Ngā utu me ngā rauemi ngaro: kei konei ngā kōrero utu pēnei i te utu takaroa, ngā whakahokinga whare pukapuka kē, me ngā utu tono rāhui.
  • Tūranga kaitango: mehemea kua 'Rāhuitia', he nama utu pea me homai rānei he kōrero anō. Pātai mai ki tō whare pukapuka tata..

He akomanga whakamārama (me ngā pikitia whakaatu) mō te titiro ki tō kārikei tā mātou whārangi Akomanga.

Hohoutanga:

Ka taea ō rauemi te hohou mō tētahi anō wā tukunga anake (inā koa e 3 wiki mō te pukapuka, 1 wiki mō te Kōpae me te Tīwītī) mai i te wā tūturu hei whakahokinga mai, whāia kāore i tono rāhuitia e tētahi atu kaitango. Kia 1 hohoutanga anake mō ia rauemi, e taea ana tēnei ā-ipurangi mā te whiriwhiri i te/ngā taitara kei tō whakarāpopototanga tukunga, ka pato ai i te 'Hohoutanga rauemi'.

Kia mahara mehemea he utu rēti mō te rauemi i te wā tukuna ai (inā koa ngā Kōpae & Tīwītī) ko taua utu anō ka tāpiri ki te hohoutanga. Mehemea kāore he utu rēti mō te rauemi i te wā tukuna (pēnei i te pukapuka), kāore he utu mō te hohoutanga.

Ko ngā pikitia whakaatu me te aratakinga akomanga mō te hohou rauemi kei te akomanga tirohia tō kāri kei tā mātou whārangi Akomanga.

Homai noa he pānuitanga pai!

  • Rapua mai he kōrero pakiwaitara pai mā te rapu Momo Pakiwaitara ki te whakarārangitanga — ko ngā momo matua e whakarārangihia ana ki tā mātou whārangi Āwhina kaupapa Pakiwaitara.
  • Rapua mai he arotakenga mō ngā pūrākau hou rawa me ngā pakiwaitara hou rawa kei tā mātou whārangi Ngā Mea Hou, ka pato ai i ngā taitara pukapuka pai hei titiro kei te putunga rānei.
  • O ngā rārangi nui o ngā pakiwaitara hou, tīwītī hou, me ngā rīpene whakaata hou ka whakarārangihia ia marama ki te whārangi Ngā Mea Hou.
  • Kei tā mātou whārangi Kaupapa pakiwaitara rongonui e whakaatu ana i ngā pukapuka pai, pēnei tonu i ētahi atu whārangi Kaupapa rongonui.
  • Mehemea kei te pirangi pukapuka ōrite ki te mea kua pānuitia e koe, rapua mai te pukapuka i pānuitia ka pato ai i te kaupapa rānei, i ngā ūpoko kaituhi rānei, hei rapu i ngā rauemi e ōrite ana.
  • Tirohia ngā whakaaturanga pukapuka hou me ngā taitara pai, ka tiro haere rānei ki ngā pae 'Whakahokinga Tēnei Rā' hei rapu i ngā mea kua pānuitia e te tangata.

Rapunga mōheni

Ka taea te rapu mōheni rite ki te rapu pukapuka - whakamātauhia te rapu Tiro haere taitara, rapu Kuputumu rānei, Kuputumu taitara rānei. Ka taea te rapu Kuputumu te whakawhāiti ki te mōheni anake mā te whakamahi i te hōputunga kupu 'qmagazine', inā koa ko te 'gardening qmagazine' ka whakaatu mai i ngā mōheni mahi māra katoa ehara i te pukapuka.

Hei rapu tuhinga mōheni, whakamātauhia ā mātou pūranga kōrero kei mygateway.info. Ko te mea anake māu ko ō kōrero kāri whare pukapuka.

Rapu hihiko

He māmā te tiro haere i tā mātou whakarārangitanga mā ngā tūhono Rapu hihiko. Kua whakaritea ngā rapunga rongonui maha pēnei i te Tīwītī mā te pekanga, ngā momo waiata me ngā pakiwaitara, tae atu ki ngā pukapuka waituhi.

Āwhina kaupapa

Hei rapu haere i ngā rauemi whare pukapuka, kua mahia e mātou he puka taki kaupapa mō ētahi katoa o ngā wāhanga rongonui, wāhanga nui rānei. Peka mai ki ā mātou whārangi Āwhina kaupapamō ngā kōrero pēnei i te Ripoata ā-tau, Puka taki Pakihi, Hitōria whānau, Mōheni me ngā Nupepa.

Tāpiritanga tohutohu Kairapu Matatau

Rapunga Boolean

Whakawhānuihia tō rapunga mā te whakamahi i te kupu OR ki waenga i ō kupu rapunga, inā koa 'taiohi or rangatahi'; 'kurī or kararehe kurī'

Whakawhāitihia tō rapunga mā te whakamahi i te kupu AND rānei, BUT NOT rānei, inā koa 'maunga and rangahau whenua'; 'mate ngārara but not rorohiko'

Whakamahia ngā tohu taiapa mō ngā rapunga boolean nui, inā koa 'āporo (tunu kai or mahi pāmu)'

Porohanga

Whakamahia te whetū ririki * me tētahi wāhanga kupu kaupapa, kupu ingoa rānei hei whakawhānui ake i te rapunga. Hei āwhina hoki tēnei mēnā kāore i te mōhiotia te tuhituhi tika rawa i te ingoa kaituhi i te ingoa kaupapa rānei. Ko te pūtuhi * e taea ana te whakamahi ki te tīmatanga, ki waenganui, ki te mutunga rānei o te kupu. Inā koa:

'psych* child*' ka rapua ngā rauemi hāngai ki te child psychology koia rānei children me te psychiatry
'tschai*' ka rapua ngā rauemi hāngai ki te kaitito Tschaikovsky
'*house' ka rapua ngā rauemi hāngai ki te house me te doghouse
'h*se' ka rapua ngā rauemi hāngai ki te house me te hose

Rapunga motuhake

Whakamahia te tohu pātai ? me tētahi wāhanga kupu kaupapa, kupu ingoa rānei hei whakawhānui ake i te rapunga. Whakamahia te pūtuhi motuhake hei te tīmatanga, hei waenga, hei te mutunga rānei o tētahi kupu. Inā koa:

'transport?' ka rapua ngā rauemi hāngai ki te transport me te transports engari ka 'transport*' (tirohia porohanga) ka tīkina atu ko te transport, transports, transportation, arā atu hoki.
'comput???' ka rapua atu ngā rekoata compute, computed, computer, me te computers, engari ehara ko te computation, computerize, arā atu hoki.
' wom?n' ka rapua women me te woman

Kī poka

Ka taea te whakamahi kupu rapu tere i tua atu i ngā rārangi whakataka - inā ia he tere ake, he pai ake hoki ina mamae kē ō whatinga ringa i te whakamahi kiore. Hei tauira: '//wvanity fair qmagazine' koia rānei '//wqdvd qjuvenile'.

Ituaiga o sailiga

Sailiga faataopetope

kuputumu* //W
Tiro haere ingoa //NB/
Ingoa kuputumu //N
Ingoa kuputumu (ka puta te rārangi ūpoko ingoa) //NW/
Ingoa/Kupu //Nname/word
Tiro taitara //T
Taitara kuputumu //TW/
Tiro kaupapa //SB/
Kaupapa kuputumu //SD/
Kaupapa kuputumu (ka puta te rārangi ūpoko kaupapa) //SW/
Tiro rārangitanga rauemi //S
Rārangitanga rauemi kuputumu //ED/
Rārangitanga rauemi kuputumu (ka puta te rārangi ūpoko rārangitanga rauemi) //EW/
Tiro nama karanga //C
ISBN/ISSN //I

Mā ngā rapunga kuputumu ka puta he rārangi taitara, hāunga ngā mea kua tohua.
* Kia mahara, kāore te rapu kuputumu e rapu kaituhi.

Matatiro ipurangi pai

E raru ana koe ki te whakarārangitanga? Ko ētahi matatiro ipurangi kāore e tautoko ana i ngā mea whakamahinga katoa o tā mātou Whakararangitanga Pukapuka. Kia pēnei rawa:

  • Internet Explorer 8 hou ake rānei
  • Mozilla Firefox 2 hou ake rānei

Library Catalogues | About the Site | Copyright