Wellington City Libraries

Te Matapihi Ki Te Ao Nui

Fesoasoani mo le Faasinotusi Masani

Amataina i le [Faasinotusi] Masani

I la matou Classic Catalogue e mafai ona e vaavaai ai i la matou saofaga atoa (o tusi, mekasini, CD [tisiketi faalogologo], DVD [tisiketi matamata], tusifaileo, ma isi aitema i le saofaga). E mafai foi ona e taga'i i faamatalaga o lau kata [card] o le faletusi, e pei o aitema o loo nonō i fafo, totogi o aitema ua taofi ma siliga mai. E mafai ona e faaaogāina le faasinotusi i le faletusi ma mai le fale e ala i la matou upega o fesootaiga o le www.wcl.govt.nz. O le a e maua i lalo ane nisi o motuga'afa mo le amataina i lo matou Classic Catalogue, faapea foi ma ni motuga'afa fatufatua'i ma togafiti mo sailiga maotua atu.

O i ai lava ni fesili? Matou te fiafia e faalogo atu ia te oe – e mafai ona e faafesootaia i matou e ala i le imeli.

 

Faasino Mataupu

Gagana

O le fesootaiga o le matou Classic Catalogue o loo maua i gagana e:

Auala e Saili Ai

O le auala aupito faigofie e saili ai o le ta i ai o le tusitala, ulutala po o ni upu o autu ma kiliki i le faamau 'Saili'. O le faasinotusi e le maaleale e mafai ona e faaaogaina a le o mataitusi tetele (mataitusi tele) po o mataitusi laiti (mataitusi ninii).

A e sailia e aunoa ma le taina o se ituaiga o sailiga, o le a e vaaia se aotelega o le nofoaga na maua ai au upu na saili i le faasinotusi, faataitaiga, e.g.

Search results summary

Ona e kiliki lea i le taunuuga e te manao i ai, faataitaiga, o aitema uma e i ai se tusitala e tutusa ma lau sailiga, po o aitema uma e tutusa autu ma lau sailiga.

E mafai ona e toe saili e ala i le kiliki i le Sailiga Fou o loo i le tulimanu taumatau pito i luga.

A le o lena, e mafai ona e filifili e amata lau sailiga i se ituaiga o sailiga mai le pusa e to-ifo i le lauie o le sailiga:

Select a search type

O le filifilia tuusao o se ituaiga o sailiga, o lona uiga o le a e alu sao lava i taunuuga o au sailiga po o se lisi o ulutala, tusitala, autu po o faasologa.

Filifilia o se ituaiga o sailiga o le fea e tatau ona ou faaaogaina?

Sailiga i upu autu:

Faataitai le sailiga i Upu Autu mo se sailiga amata faalauaitele, pe afai foi e i ai ni au upu maoti e sue o le a faapea ona le maua ai ni taunuuga se tele.

Afai e te faataitaia se sailiga i Upu Autu ae le aoga ia taunuuga, taumafai e sue i le autu, pe sue foi mo se aitema e te silafia e lelei ma faaaoga ulutala o le autu i le faamaumauga o lena aitema.

Sailiga i le ulutala:

Afai e te silafia le ulutala:

Faaaoga le sailiga i le Ulutala pe afai e te silafia le amataga o le ulutala, pe afai foi e te manao e tagai vave i igoa e talitutusa, mo se faataitaiga, 'harry potter and the'.

Faaaoga le upu autu o le Ulutalape afai e te le iloa upu uma o le ulutala po o le latou faasologa, faataitaiga, 'lanu o le faamalulele' (e sue ai le 'O le a le lanu o lou faamalulele?.

Sailiga i le tusitala:

Afai e te silafia le tusitala:

Faaaoga le sailiga i le Tusitala po o le suafa pe afai e te silafia le faaiu ma manao e tagai vave i se lisi o suafa ia maua ai le suafa sao. Ta i totonu le faaiu (suafa mulimuli), sosoo ai ma le faailoga o le koma, sosoo ai ma le suafa muamua po o mataitusi amata, faataitaiga, 'Smith, W'.

Faaaoga le (upu autu) Tusitala po o le suafa Faaaoga le (upu autu) Tusitala po o le suafa pe afai e te manao i se lisi o igoa uma [o aitema] mai se tagata faapitoa ae e le o i ai se tasi e suafa faapena, faataitaiga, 'Douglas Coupland'.

Sailiga i le autu:

Afai e te silafia le autu:

Faaaoga le (upu autu) o Autu pe afai e te le silafia le faasologa o le ulutala o le autu.

Faaaoga le sailiga [i le] Autu pe afai e te silafia le amataga o le ulutala o le autu pe e te manao foi e tagai vave i ulutala e sue ai le faamatalaga sili ona aoga, faataitaiga, 'world war'.

Sailiga i faasologa, faataitaiga Lonely Planet:

Afai o loo e sueina tusi uma i se faasologa:

Faataitai le sailiga i Faasologa – e faaaoga e sue ai aitema ua lomiaina i se faasologa, faataitaiga, Criterion collection DVDs ma tusi Lonely Planet.

Tagai vave e ala i le numera valaau:

Sailiga i numera valaau – saili le saofaga e pei ona tuufataina ai. Afai e te maua se tusi lelei, vaai po o a isi aitema e faatatau i le autu e ala i le taina i totonu o le numera valaau o loo i le ivitu o le tusi, e aofia ai ma le faailoga o le togi tesimale.

Sailiga e ala i le ISBN po o le ISSN:

ISBN/ISSN – ISBNs (International Standard Book Number) & ISSNs (International Standard Serial Number – mo mekasini ma tusiga faavaitaimi) e lolomiina i tusi ma mekasini pe a lomiaina; e pau le taimi e faaaoga ai le ala lenei pe a e manao i se lomiga patino o se aitema.

Filifiliga faatapulaa

O filifiliga faatapulaa e mafai ona maua i lalo ifo o le pusa o sailiga i le lauie autu o sailiga, ma e mafai ai ona faatapulaa au sailiga e ala i le tulaga o le Matua, Mamanu, Aso, Lala ma le Avanoa.

limiting options screenshot

O filifiliga faatapulaa e na o ituaiga o sailiga Upu Autu, Upu Autu o le Ulutala, Upu Autu o le Autu, ma le Autu o le Tusitala e mafai ona faaaoga ai..

Kiliki le au o loo i talane o se tasi o filifiliga nei e tagai ai i faamatalaga atoa:

Filifiliga faatapulaa faalauaitele:

general limiting options

O vaega nei o loo i lalo o le au muamua - 'Filifiliga Faatapulaa'. O i e mafai ona e filifili ai e faatapulaa lau sailiga i le tulaga o le matua po o le mamanu:

  • Matua

    E mafai ona e filifilia tamaiti, tamaiti aoga amata po o le tupulaga e sue ai nao aitema e i totonu o na faaputuga.

  • Mamanu

    E mafai ona e filifilia Mekasini, lomiga Tetele, CD o Musika, CD o Tusi, eTusi [Tusi faaeletonika], kopi o musika ua lomiaina, DVD ma le tele o isi mea e faatapulaa ai lau sailiga i le na o se mamanu se tasi i la matou faaputuga.

Faatapulaa e ala i aso:

Faatumu se tasi o pusa nei e faaitiitia ai lau sailiga.

limit by date

Faatapulaa e ala i lala

O i e mafai ona e filifili ai e faatapulaa lau sailiga i le na o se tasi o nofoaga o lala o le matou faletusi, faataitaiga, o le Karori Library, pe filifili e saili na o aitema o loo maua (ae le o nono i fafo).

options to limit by branch

Lauie o Sailiga Maotua

O le Lauie o Sailiga Maotua e mafai ona [e] alu i ai mai le faailo samasama i le itu tauagavale:

Accessing Advanced Search

O le Lauie o Sailiga Maotua e mafai ai ona e tuufaatasia se sailiga i tusitala ma se sailiga i upu autu, ma maua ai faatapulaa lava e tasi (mamanu, tulaga o le matua, lala, avanoa) e avea ma lauie ua muai faatulaga mo sailiga:

Advanced Search Screen screenshot

Taunuuga o sailiga

O taunuuga o lau sailiga e faaalia i se lisi o ulutala e fetaui ma lau sailiga. E mafai ona e kiliki faasolosolo i ai e tagai po o i ai [le aitema], itu o loo i ai le fata, ma isi faamatalaga e uiga i se aitema.

Mai le itulau lenei e mafai foi ona e tagai i ai e faaaoga ai le filifiliga Lisi Patino (o le filifiliga lenei e tuu taimi o le taimi lava e te tuua ai la matou saite o le a le toe i ai foi lau lisi o lea la, afai e te manao e teu se faamaumauga o au faitauga, matou te fautuaina atu la matou tautua o le MyDiscoveries o loo i la matou faasinotusi Easyfind), iloilo le talaaga o au sailiga ma filifili ni faamaumauga e lolomi pe imeli. E faapenei foliga o se itulau taunuuga o sailiga:

Search results page example

Afai o lau sailiga o aofia ai aitema e le o ni tusi, o le a e vaaia se faamatalaga puupuu i le itu taumatau o le lauie e faaalia ai le mamanu o loo i ai le aitema. Mo se faataitaiga:

DVD format in results screen

Sui le faasologa o taunuuga o lau sailiga

O le faasologa ua muai faatulaga mo le Lisi o Ulutala, o le sailiga aupito fou e oo i le sailiga aupito leva e muamua aitema aupito fou e ala i tausaga. Afai e laiti ifo i le 1000 au taunuuga, e mafai ona e filifili e faatulaga taunuuga o lau sailiga e ala i tusitala po o ulutala.

Lolomi faamaumauga ua faailogaina faasao

Afai e te manao e lolomi faamatalaga mo ni aitema ae e te lei sau i le faletusi, faailoga faasao le pusa o loo i talane o aitema taitasi e te manao ia aofia ai ma kiliki le Lolomi faamaumauga ua faailogaina faasao. (O le a i ai ni nai filifiliga o le auala e te manao e faaalia ai au faamaumauga pe a lolomi matou te fautuaina e aua le suia le tulaga ua muai faatulagaina ii.)

E mafai foi ona e faia lenei mea mai totonu o le vaega o lisi patino lea foi e te maua ai ni filifiliga faaopoopo, e aofia ai le imeli o faamaumauga e filifilia

Auala e faaaoga ai le itulau o Faamatalaga Atoa

Ina ia tagai i faamatalaga atoa o loo i ai i a matou faamaumauga e uiga i se ulutala (e aofia ai le avanoa ma le nofoaga), kiliki i le sootaga o le ulutala mai le lauie o taunuuga o le sailiga. O le a faapea ona faaali mai ai le itulau o Faamatalaga Atoa o lena ulutala e tatau ona foliga tai faapenei:

Full Details page

Mai le itulau lenei e mafai ona e Tuu ai se taofiga, faaaoga Filifiliga o le Lisi Patino, Iloilo talaaga o le sailiga, Imeli pe Lolomi le faamaumauga.

Faamatalaga o le aitema atoa

O le vaega ogatotonu lenei o le lauie ma e faaalia ai le:

  • Ulutala
  • Tusitala (kiliki i luga o o latou suafa e tagai ai i a latou galuega uma lava)
  • Lomitusi (ia mautinoa o le lomiga lea e te manao i ai)
  • Itulau ma le tele (o aitema e ova i le 28 cm e ono teuina i se vaega o Tusi Tetele)
  • Autu (kiliki i luga o se ulutala o le autu e tagai ai po o a isi aitema o loo i ai e faatatau i le autu lenei)

Nofoaga ma le Avanoa o fea e mafai ona ou maua i ai?

O le vaega lenei o loo i le pito lava i lalo. O i o le a e maua ai le:

  • Aso
    • Afai o loo nono i tua le aitema, e tatau ona toe faafoi mai i le aso lenei
    • Afai o loo maua/avanoa le aitema, sa toe faafoi mai i le aso lenei
  • Lala – kiliki i le lala po o le faaputuga mo faatonuga, pe asiasi i la matou itulau o Lala page. Mo aitema i le Faletusi Tutotonu, o le a faaalia foi ii le fogafale o loo i ai le aitema faataitaiga, o le GRDFL = Fogafale Pito i Lalo;1STFL = Fogafale Muamua, ma isi mea faapena.
  • Numera Valaau – o le numera dewey po o le igoa o le faaputuga e fesoasoani ia te oe e iloa ai po o gafea o loo i ai le aitema
  • Tulaga:
    • Avanoa – o le aitema o loo i totonu o le faletusi (ae atonu e lei tuufataina)
    • O loo nono – o le aitema o loo nono e se sui o le faletusi
    • E le nonoina – o le aitema e avanoa mo le na o le faaaogaina i totonu o le faletusi
    • O loo faagaioi – o le aitema e fou ma e lei avanoa mo le faaaogaina; fesili i se laulau mo Faafesili
    • Taofi mo le aveina – o le aitema ua taofi mo le isi tagata nono sa na taofia
    • Ua i le Suiga e taofi ai – ua auina atu le aitema i le isi faletusi mo le tagata na taofia na te nonoina
    • Ua sui mai i le lala – ua faafoi ane le aitema, e masalo i se isi faletusi; fesili i se laulau mo Faafesili
    • O loo Oka – o le aitema o loo oka e le faletusi mai a matou au sapalai. E mafai ona e taofia ae e le o avanoa i le taimi nei mo le nonoina

Ina ia tagai i se isi faamaumauga, a le o le toe foi i le Lisi o Ulutala, kiliki i leLe Isi Mea po o le Mea Talu Aii le pito i luga ma le pito i lalo o le itulau, pe faatumu le pusa o sailiga o loo i le pito i lalo o le itulau.

Auala e sue ai aitema i luga o le fata

O loo maua iinei se faafanua o le Faletusi Tutotonu.

  • Tala Fatuo loo tuufata faaalafapeta i lalo o le faaiu o le tusitala. O loo i ai vaega eseese mo [tala] Faaninimo, tala fatu Faasaienisi & tala faafoliga ma saofaga o tala Pupuu. O loo i ai foi i le Faletusi Tutotonu se saofaga o tala fatu e i ai ma Ata.
  • Faamatalaga monio loo tuufata i numera Dewey. I le [Faletusi] Tutotonu, o tusi o faamatalaga moni mo tagata matutua 000-899 o loo i le fogafale Muamua, ae o le 900-999 o loo i le fogafale Lona Lua.
  • Talaaga o Soifua ua faatulagaina faaalafapeta i le faaiu o le tagata. Siaki le faasinotusi nei mea ane ua i ai se numera Dewey o le talaaga o loo e tulitulimatagauina.
  • Afai o se aitema e 28 cm pe tele atu, atonu e ono manaomia lou sueina ifata o tusi Tetelei le Faletusi Tutotonu. O isi faletusi latou te tuufataina faatasi ia aitema tetele ma aitema masani.
  • E eseese ia saofaga oFaamatalaga Faasino i faletusi uma lava. E i ai i faamaumauga a le faasinotusi le 'Ref' i le amataga o le numera Valaau o se aitema, ae i lalo o le Tulaga e i ai le 'E le nonoina'. O isi faamatalaga e uiga i saofaga a le Faletusi Tutotonu o loo maua iinei.

Ae e le o iinei!

  • Siaki po o anafea na faafoi mai ai le aitema (i lalo ifo o le 'Aso' i le faamaumauga o le aitema). O aitema na toe faafoi mai i nai aso ua tuanai atu, atonu o loo i luga o fata Na Faafoi Mai Ananei po o luga o tololi mo le tuufataina.
  • Siaki po o anafea na faafoi mai ai le aitema (i lalo ifo o le 'Aso' i le faamaumauga o le aitema). O aitema na toe faafoi mai i nai aso ua tuanai atu, atonu o loo i luga o fata Na Faafoi Mai Ananei po o luga o tololi mo le tuufataina.
  • Siaki fata [o aitema] faalauiloa.
  • Fesili i se tagata o le au faigaluega mo se fesoasoani, o nisi taimi e aoga ai le fesoasoani mai o se isi tagata i le sailiga!

Tuuina i ai o se taofiga

Kiliki le faamau Tuu i ai se taofigao loo i le itu tauagavale o le itulau o le Faamaumauga Atoa. . O le a fesiligia oe mo faamatalaga o lou Tagata Nono, ona avatu lea i le itulau o le. Filifili le lala, faaaoga le filifiliga 'taofi mo aso malolo' pe afai e te manao i le taofiga ia amata i se aso patino, ona kiliki lea o le i ai le taofiga. O le a matou logoina oe e ala i le telefoni, imeli po o le meli pe afai ua saunia le aitema mo le aveina atu, e faalagolago lava i le mea e te finagalo i ai.

Kiliki mo se lesona atoa i le tuuina i ai o ni taofiga (faatasi ma ata i lauie komepiuta)

Faamolemole ia manatua e i ai se totogi e $2 mo taofiga taitasi e faia e tagata matutua e nonoina aitema. Afai e te filifilia le 'Kiliva' e avea ma au lala e aveina atu le aitema, o le a i ai se tau faaopoopo e manaomia ona totogi.

Mauaina ma le foia o faafitauli

Afai e lei manuia lau taofiga:

  • Siaki pe ua e taina le numera sao o le kata ma le igoa mulimuli [faaiu]. Faafesootai mai i matou pe afai e te le o mautinoa ou faamatalaga.
  • O isi taimi e i ai se faaletonu le tumau i le faasinotusi; taumafai e toe fai lau taofiga.
  • Faatumu le fomu mo le taofiga i luga o le initoneti, ona matou faia lea o le taofiga mo oe.

Toeiloilo au sailiga muamua

Ina ia toe fai se sailiga na faia muamua, kiliki i le Toeiloilo talaaga o le sailiga i le itu tauagavale o le lauie. Sue le sailiga e te manao e toe fai ma kiliki i luga o le sootaga.

Lisi patino

Ina ia taofi se vaega o aitema i le taimi e tasi pe faailoga faamaumauga e toe foi atu i ai, e mafai ona e faaaogaina le vaega 'Lisi patino'.

Taua:

O lisi na fatuina i le vaega lenei e le toe i ai pe a maea le periota i le faasinotusi, o lona uiga, o le isi taimi e te faaaogaina ai la matou faasinotusi, pe afai foi e te tuua le faaaogaina o lau periota mo ni nai minute ona toe amata lea o se periota fou i le faasinotusi, o le a le sefeina mo oe ia lisi na fatuina e faaaoga ai le vaega lenei.

Ona o lenei mea, afai e te manao e fatu ni lisi e faaauau pea, matou te fautuaina atu la matou tautua o le MyDiscoveries o loo i la matou faasinotusi Easyfind.

Ae peitai, afai na o lou manao lava e fatu ni lisi e imeli atu ia te oe lava pe lolomi, o lenei vaega e matuai aoga lava.

Ina ia faaaoga le vaega lenei:

A [e] i ai i totonu o le faamaumauga o se aitema, kiliki le 'Faaopoopo le faamaumauga lenei i le lisi' i totonu o le poloka samasama laumiumi o loo i autafa

A [e] i ai i totonu o se itulau o le lisi o Ulutala, filifili aitema e ala i le faailoga faasao o pusa ona kiliki lea o le Faaopoopo faamaumauga ua faailoga faasao mai le itulau lenei i le lisi i totonu o le poloka samasama laumiumi o loo i autafa

Kiliki le 'Tagai i le lisi patino' mai le poloka samasama laumiumi o loo i autafa i soo se taimi o se periota e te manao ai e vaai i aitema ua e filifilia. E mafai ona e taofia nisi o aitema po o aitema uma i soo se taimi.

Siaki ou faamatalaga auiliili

E mafai ona e iloa faamatalaga auiliili i au aitema nono, aitema ua siliga, aitema e taofi ma tupe o loo [e] aitalafu ai. A le o le kiliki i le 'tagai i lau faamatalaga' i luga o le lauie i le lisi autu o le faasinotusi, po o le 'Siaki lau kata o le faletusi' i le pito i lalo o lauie uma o le faasinotusi. Ona ta lea i totonu o le numera o lau kata o le faletusi (faataitaiga, o le C1234567) ma le faaiu. Kiliki le 'auina atu le fesili'.

  • Nono: o au aitema o loo i fafo ma le aso e tatau ona toe faafoi mai ai.
  • Aitema ua siliga: o au aitema ua siliga [le aso e toe faafoi mai ai].
  • [Aitema e] Taofi: o aitema ua e taofia. O le 'Talosaga e lei faagaioia' o lona uiga e le o avanoa i le taimi lea le aitema; o le 'Saunia mo le aveina atu' o lona uiga ua mafai ona e aveina atu. E mafai ona e faaleaogaina se taofiga e ala i le filifili o le ulutala, ona kiliki lea o le 'Faaleaoga le taofiga lenei'.
  • Tau, totogi ma aitema e leiloloa:o faamatalaga e uiga i tau e pei o aitema e siliga, tau o aitema e faafoi mai ma taofi i va o faletusi.
  • Tulaga o tagata e nonoina: afai o fai mai 'Faatapulaaina', atonu o i ai se tupe o e nofo aitalafu ai pe atonu matou te manaomia ni faamatalaga mai ia te oe. Faamolemole fesili i la outou faletusi i le lotoifale.

O loo maua le lesona atoa (faatasi ma ata i lauie komepiuta) e faatatau i le siakiina o lau kata i luga o le matou itulau o Lesona.

Faafouga:

E mafai ona faafou (l)au aitema mo se isi periota e tasi e nono ai (mo se faataitaiga e 3 vaiaso mo tusi, 1 le vaiaso mo CD & DVD) mai le aso na uluai atofa e toe faafoi mai ai, sei vagana na taofi e se isi tagata. E na o le 1 le faafouga mo le aitema e tasi e mafai ona fai, ma o lenei mea e mafai ona fai i luga o le initoneti e ala i le filifili o (le) ulutala i le aotelega o au aitema nono, ma kiliki le Aitema e faafou'.

Faamolemole ia manatua afai o le aitema o loo faafouina na i ai se totogi mo le faaaogaaga i le taimi muamua na e nonoina ai (faataitaiga o CD & DVD) o le a i ai se totogi faaopoopo mo le nonoina e tuuina atu ia te oe pe a e toefaafoua. Afai o le aitema ua faafouina e lei i ai se totogi mo le faaaogaina i le taimi muamua na nono ai (faataitaiga o tusi), o lona uiga e leai se totogi o le faafouga.

O ata i le lauie komepiuta ma se lesona e faasolo i laasaga mo le auala e faafou ai au aitema, o loo maua o se vaega o le matou lesona mo le siakiina o lau kata i luga o le matou itulau o Lesona.

Pau le mea ou te manao i ai o se tusi lelei e faitau!

  • Sue se tala fatu lelei e ala i le sailia o le faasinotusi i Ituaiga Tala Fatu – o ituaiga autu o loo lisiina i luga o le matou itulau Fesoasoani mo autu o tala fatu.
  • Sue finagalo faaalia e uiga i a matou tala moni ma tala fatu aupito lata mai i luga o le matou itulau O Le a Se Mea Fou, ma kiliki i luga o igoa o tusi e foliga manaia e vaai ai po o i ai i luga o le fata.
  • O lisi atoa o tala fatu fou, DVD ma Vitio e lisiina i masina taitasi i luga o le itulau O Le a Se Mea Fou.
  • O le matou itulau o Autu alumia o tala fatu e faaalia ai tusi fautuaina, e pei ona faia i le tele o itulau o isi Autu alumia.
  • Afai e te manao i se tusi e talitutusa ma le tusi sa e faitauina, sue le aitema sa e fiafia i ai i la matou faasinotusi, ona kiliki lea i ulutala o le autu po o le tusitala e vaai ai po o a ni aitema talitutusa o loo i ai.
  • Siaki la matou faalauiloa o tusi fou ma ulutala fautuaina, pe tagai vave i fataNa Faafoi Mai Ananei e vaai ai po o a aitema na faitau e isi tagata uma.

Sailiga o mekasini

E mafai ona e sailia mekasini e pei lava o tusi – faataitai le tagai vave i le Ulutala, saili i le Upu Autu po o le upu autu o le Ulutala. E mafai ona faatapulaa se sailiga i le Upu Autu i mekasini e faaaoga ai le mamanu o le upu 'qmekasini', faataitaiga, o le 'qmekasini faiga o togalaau' o le a aveae uma ai i luga a matou mekasini e uiga i le faiga o togalaau ae leai ma se tusi aveae ai.

Ina ia saili mo tusiga i mekasini, faataitai i a matou utofaamatalaga i le initoneti i mygateway.info. Na pau lava le mea e te manaomia o faamatalaga o lau kata o le faletusi.

Sailiga faatopetope

O se auala faigofie e tagai vave ai i la matou faasinotusi o le faaaoga lea o sootaga Quicksearch. Ua matou faatulagaina le tele o sailiga taatele e pei o DVD e ala i lala, ituaiga o musika ma tala fatu, ma tala fatu e i ai ma ata.

Fesoasoani mo autu

Ina ia fesoasoani ia te oe i le sueina o mea e faaaoga i le faletusi, ua matou mamanuina ai taiala o autu mo le tele o vaega e sili ona taatele ma faigata. Asiasi i la matou itulau o le Fesoasoani mo autumo faamatalaga e uiga i autu e pei o lipoti Faaletausaga, lisi o Pisinisi, talafaasolopito o Aiga, Mekasini ma Nusipepa.

Faaopoopoga mo motugaafa i Sailiga Maotua

Sailiga Faapulini [Boolean]

Faalautele lau sailiga i le faaaogaina o le OR i le va o upu o loo saili, faataitaiga, 'teenagers or adolescents'; 'dogs or canines'

Faaitiiti ifo lau sailiga e ala i le faaaogaina o upu AND po o le BUT NOT, faataitaiga, 'mountains ma geology'; 'viruses but not computers'

Faaaoga puipui mo sailiga faapulini faigata, faataitaiga, 'apples (cookery or farming)'

Faapuupuuga [Truncation]

E mafai ona e faaaogaina se faafetu * faatasi ma se vaega o se autu po o se ulutala e faalautele ai le sailiga. E aoga foi le faiga lenei pe afai e te le silafia le sipelaga tonu o le igoa o se tusitala po o se autu. O le faafetu * e mafai ona faaaoga i le amataga, i le ogatotonu, po o le faaiuga o se upu. Mo se faataitaiga:

'psych* child*' o le a maua ai aitema e faatatau i le child psychology po o le children ma le psychiatry
'tschai*' o le a maua ai aitema e ala pe e faatatau i le fatupese o Tschaikovsky
'*house' o le a maua ai aitema e faatatau i le house ma le doghouse
'h*se' o le a maua ai aitema e faatatau i le house ma le hose

Sailiga i Faailoga [Wildcard]

E mafai ona e faaaogaina se faailoga fesili ? faatasi ma se vaega o se autu po o se igoa e faalautele ai se sailiga. O le faailoga [wildcard] e mafai ona faaaoga i le amataga, i le ogatotonu, po o le faaiuga o se upu. Mo se faataitaiga:

'transport?' o le a maua ai aitema e faatatau i le transport ma le transports ae o le 'transport*' (tagai i le faailoga) o le a aumai ai le transport, transports, transportation, ma isi mea faapena.
'comput???' o le a aumai ai faamaumauga e i ai le compute, computed, computer, ma le computers, ae le o le computation, computerize, ma isi mea faapena.
' wom?n' e aumai ai le women ma le woman

Ki taloto

E mafai ona e faaaogaina faaupuga mo sailiga faatopetope nai lo o lisi e to-ifo e vave atu lena, ma lelei pe afai e tiga ou tapulima mai le faaaogaina o le ki faatonutonu [isumu] o le komepiuta. Faataitaiga: '//wvanity fair qmagazine' po o le '//wqdvd qjuvenile'.

Ituaiga o sailiga

Sailiga faataopetope

Upu autu* //W
Saili i le igoa //NB/
Upu autu o le igoa //N
Upu autu o le igoa (e maua ai se lisi o ulutala o igoa) //NW/
Igoa/Upu //Nname/word
Saili i le ulutala //T
Upu autu o le ulutala //TW/
Saili i le autu //SB/
Upu autu o le autu //SD/
Upu autu o le autu (e maua ai se lisi o ulutala o autu) //SW/
Saili i le faasologa //S
Upu autu o le faasologa //ED/
Upu autu o le faasologa (e maua ai se lisi o ulutala o faasologa) //EW/
Saili i le numera valaau //C
ISBN/ISSN //I

O sailiga uma i upu autu e maua ai se lisi o ulutala, vagana ai vaega e faailogaina.
* Ia manatua, o sailiga i upu autu e le sailia ai vaega o tusitala.

Sailiga fautuaina

O i ai se faafitauli i la matou faasinotusi? O nisi sailiga e le lagolagoina vaega uma o loo faaaoga i totonu o Faasinotusi o la matou Faletusi. Matou te fautuaina atu le:

  • Internet Explorer 8 pe maualuga atu
  • Mozilla Firefox 2 pe maualuga atu

Library Catalogues | About the Site | Copyright